Zindagi me koi aane wala hai !!!!

Ajab si masti hai, ajab sa shor hai,

Ek meethi si dhun koi sunane wala hai,

Jhoom utha hai mann ek naye josh ke saath,

Lagta hai ki zindagi me koi aane wala hai.

Naya josh umada hai subah ki pehli kiran ke saath,

Ujala aa ke sara andhera mitane wala hai,

Har cheez jagmaga rahi hai charon taraf,

Lagta hai ki zindagi me koi aane wala hai.

Pyaase ko jaise paani ki talash me,

Bhagwan khud amrit pilane wala hai,

Barson ki pyaas mitne wali hai ab,

Lagta hai ki zindagi me koi aane wala hai.

Panchhiyon ki awaaz me bhi madhur sangeet hai,

Sangeet jo sari haden mitane wala hai,

Humaare kadam bhi thirakane lage hain ye sun ke,

Lagta hai ki zindagi me koi aane wala hai.

Dekho kaise ye jharna machal ke bhag raha hai,

Madmast hai aise, jaise iska bhi koi chahane wala hai,

Baarish ki boondon me bhi kitni tazagi hai,

Lagta hai ki zindagi me koi aane wala hai.

Neendon me bhi bechaini rehti hai aajkal,

Koi sapnon pe kabza karne wala hai,

Ghadi ka kanta bhi ruk sa gaya hai,

Lagta hai ki zindagi me koi aane wala hai.

Dil ke darwaaze pe dastak di hai kisi ne,

Zaroor is dil me bhi koi ghar banane wala hai,

Hum bhi ummeed me baithe hain palkein bichha kar,

Lagta hai ki zindagi me koi aane wala hai.

Sochate hain to yakeen hi nahi hota kabhi,

Humara bhi is jahan me koi chahane wala hai,

Bahut besabari se intezaar kar rahe hain uska,

Zindagi me jo abhi aane wala hai.